 |
 |
|||||||||||||||||||||||||||
|
í dag er 16. desember 2018
og hér eru nýjustu fréttirnar af maus. |
||||||||||||||||||||||||||||
|
9. desember 2004 100% maus um helgina á popptíví !! það verður svokölluð "100% maus helgi" á popptíví núna um helgina, 10.-12. desember. flest ef ekki öll maus myndböndin verða sýnt og þ.m.t. gömul myndbönd sem ekki hafa sést lengi. bendum því áhugasömum á að snerta skjáinn um helgina.  auglýsing frá popptíví (Mpeg, 3.5mb)30. nóvember 2004. 
glænýtt myndband við over me under me !!!við vorum að klára myndbandið við nýja lagið okkar, "over me under me". myndbandið er margt sérstakt og er til dæmis allt tekið í einni töku, þ.e. engin klipping er í öllu myndbandinu. leikstjóri myndbandsins heitir elvar og er betur þekktur sem rappari úr hinni frábæru hljómsveit afkvæmi guðanna. en annars kom fullt af fólki að gerð þessa myndbands og lögðu fram frábæra vinnu. kunnum við þeim okkar bestu þakkir. tékkið endilega á myndbandinu hér að neðan og einnig vil ég benda á myndir frá tökustaðnum sem hún erna, einn af leikurunum, hefur sett á bloggsíðu sína.  Over Me Under Me (Windows Media, 8mb)hér eru jafnframt nokkur nýleg maus-myndbönd til upprifjunar og skemmtunar: Liquid Substance (Windows Media, 15mb) My Favourite Excuse (Windows Media, 13mb) Life in a Fishbowl (Windows Media, 16mb)24. nóvember 2004. keflvíkingar og húsvíkingar: hér koma maus !!! fimmtudaginn 25. nóvember erum við að spila fyrir nemendafélag fjölbrautarskóla suðurnesja í frumleikhúsinu í keflavík. húsið opnar kl. 20.00 en tónleikarnir hefjast kl: 21.00. ásamt okkur spila hljómsveitirnar: dáðadrengir, lada sport, sex division og himmler. inngangseyrir er 800kr fyrir félagsmenn nffs en 1300 fyrir óbreytta. föstudaginn 3. desember erum við að spila í íþróttahúsi borgarskóla á húsavík. ásamt okkur spila dáðadrengir, sign og tony the pony. ég er því miður ekki með frekari upplýsingar í bili. bendum áhugasömum á að við verðum með maus-boli og nýju plötuna okkar til sölu á tónleikunum en samkvæmt áræðanlegum heimildum þykir það besti jólapakkinn í ár. 1. nóvember 2004. útgáfutónleikar í austurbæ !!! föstudaginn 5. nóvember verðum við með útgáfutónleika í austurbæ. þar munum við leika lög af nýútkominni safnplötu okkar og skal taka fram að það er ekkert aldurstakmark á tónleikana. forsala er í skífunni á laugarvegi og á midi.is !! 10. október 2004. maus á iceland airwaves 2004  við komum til með
að spila á hinni mögnuðu iceland
airwaves hátíð um næstu helgi.dagskráin í hafnarhúsinu laugardaginn 23. október er eftirfarandi:
21:00 Leaves 21:45 Maus 22:30 Keane 5. október 2004. tvöföld safnplata maus væntanleg 18. október: tónlyst 1994-2004 og lystaukar 1993-2004 "tónlyst 1994-2004" inniheldur 17 lög frá 10 ára útgáfuferli maus. eitt lag er þó glænýtt. það er lagið ,,over me under me" sem einmitt er leið í spilun þessa dagana. "lystaukar 1993-2004" er aukaplata sem inniheldur áður útgefin lög frá maus. þetta er blanda af tónleikaupptökum og demóupptökum af lögum sem ekki hafa náð inn á plötur maus. en auk þess fá fjórar íslenskar hljómsveitir spreyta sig á maus lögum með mjög svo góðum árangri að okkar mati. þetta eru hljómsveitirnar deLpHi, dáðadrengir, quarashi og gusgus.
14. september 2004. maus í hljóðveri þessa dagana við erum í hljóðveri þessa dagana að taka upp 2 ný lög. annað lagið "over me under me" kemur til með að vera á safnplötunni okkar sem kemur út á næstu mánuðum en hitt lagið "cover my eyes" verður væntanlega ekki gefið út fyrr en á næstu plötu okkar. upptökumenn eru þeir sömu og unnu með okkur á "musick": herr meyerschnitzel und herr naaf. hér að neðan eru nokkrar "sjóðheitar myndir" beint úr hljóðverinu:
og hér er nokkrur úrvals myndbrot frá vinnslu laganna:
6. júlí 2004. maus bolirnir loksins komnir aftur - nýir og gamlir! 
maus bolirnir hafa verið uppseldir í þónokkurn tíma en nú geta menn tekið gleði sína upp á ný því
við eigum von á risasendingu af bolum í fyrramálið. við erum að prenta allar 3 útgáfurnar uppá
nýtt í mörgum litum og stærðum, auk þess sem glænýr bolur lítur dagsins ljós.bolurinn er unninn út frá nýja myndbandinu okkar og er afar vel heppnaður að okkar mati. hann er unninn í samstarfi við bolabúðina ósóma og hannaður af þórdís claessen. við komum til með að vera með sölubás á placebo tónleikunum á morgun, en síðan verður hægt að nálgast þessa boli í dogma og ósóma á laugarvegi auk þess sem við komum til með að vera með eintök á okkur þegar við erum að spila á tónleikum. 6. júlí 2004. maus á grandrokk föstudagskvöldið 9. júlí við erum að spila á tónleikum á grandrokk n.k. föstudagskvöld í samstarfi við útvarpsstöðina x-ið 9.77. hljómsveitin manhattan spilar áður og rétt er að taka fram að x-ið er með grillveislu fyrr um kvöldið á staðnum. frekari upplýsingar um það má sjálfsagt heyra á stöðinni eða á vefnum þeirra. 26. júní 2004. myndbandið við "liquid substance" komið á netið!!
26. júní 2004. maus á seyðisfirði 15. júlí!! okkur hefur verið boðið að spila á tónleikum á seyðisfirði fimmtudaginn 15. júlí. tónleikarnir eru á dagskrá listahátíðar ungs fólks á austurlandi - lunga sem stendur frá 12.-17. júlí. það eru miklu fleiri hljómsveitir að spila þarna og höfum við heyrt nöfn eins og trabant, kimono og hudson wain í því samhengi og auk þess mun biggi koma fram einn síns liðs síðar á hátíðinni með kassagítarinn. það er semsagt allt að gerast á austurlandi dagana í kring og bendum við áhugasömum á að láta sig ekki vanta á staðinn... 26. júní 2004. maus í central park um verslunarmannahelgina !! laugardaginn 31. júlí leikum við á "summer stage festival" í central park, new york city. þetta eru útitónleikar sem eru í gangi yfir allt sumarið í þessum merkilega garði án þess að fólk sé rukkað inn og þennan tiltekna laugardag er lögð áhersla á íslenska tónlist. jagúar og vinyl eru líka að spila þennan dag. þetta verður í annað sinn sem maus spilar í stóra eplinu. meira síðar þegar nær dregur... 16. júní 2004. hæ hó jibbý jey og jibbý jey !! við spilum á tvennum 17. júní þjóðhátíðarskemmtunum annað kvöld. kl. 20.30 erum við á rútstúni (við sundlaug kópavogs) en eftir tónleikana skjótumst við upp á akranes og leikum á sambærilegri skemmtun fyrir rokkþyrsta skagamenn. tilvalið að kíkja í bíltúr í tilefni dagsins og láta sjá sig í þjóðhátíðarstemmningunni. ekki gleyma blöðrunum og andlitsmálningunni... 16. júní 2004. nýtt myndband maus frumsýnt 17. júní !! ef menn komast ekki upp á akranes annaðkvöld þá er um að gera að fylgjast með þættinum "hjartsláttur á ferð og flugi" á skjá 1 því þar verður frumsýnt myndband okkar við lagið "liquid substance" sem er endurútgáfa af laginu "replacing my bones" af plötunni "musick". lagið er samstarfsverkefni maus og hinnar bráðsnjöllu hljómsveitar delphi. myndbandið er leikstýrt af hlyni magnússyni og erum við vægast sagt ánægðir með útkomuna. meira um það síðar. 20. maí 2004. maus spilar með placebo í laugardalshöll 7. júlí !! 
við komum til með að spila undan hinni ágætu hljómsveit
placebo í laugardalshöllinni þann 7 júlí.
við verðum eina hljómsveitin sem spilar á undan þeim og fáum við því um 45 mínútur
sem ættu að nægja fyrir einhverja slagara í bland við nýtt efni. við lofum a.m.k. 2 glænýjum
lögum. 'ðenn er hægt að kaupa miða á tónleikana m.a.
á icelandair.is.20. maí 2004. biggi með kassagítarinn á 22 í kvöld í kvöld mun biggi spila á sínum fyrstu sólótónleikum sem haldnir verða á veitingastaðnum 22 við laugarveg. biggi ætlar að taka 2 maus lög og a.m.k. 3 af sínum eigin lögum sem hugsanlega koma til með að enda á sólóplötunni hans sem er í vinnslu þessa dagana. heiðar í botnleðju er líka að spila á þessum tónleikum og einnig indigo. bendum áhugasömum að mæta á staðinn og komast í trúbadorafílinginn fyrir sumarið. ...bubbi hvað? 20. apríl 2004. the beach boys - útsetningar, upptökur og besta plata í heimi! miðvikudagskvöldið 21. apríl ætlar danni að sjá um hlustunarkvöld sem tími, miðstöð fyrir tímalistir, stendur að. þetta er fyrsta kvöldið af svokölluðum tímakvöldum sem haldin verða í fundarherbergi KlinK & BanK, stakkholti 2, á miðvikudagskvöldum kl. 21:00-23:00. danni hefur á undanförnum árum verið forfallinn aðdáandi the beach boys og óþreyttur að breiða út boðskapinn m.a. til okkar drengjanna í hljómsveitinni maus. á þessu hlustunarkvöldi ætlar danni að spila tóndæmi og ræða um brian wilson, pet sounds, good vibrations og smile. við viljum endilega mæla með að áhugamenn um sögulega popptónlist láti sjá sig. aðgangur er ókeypis. 19. apríl 2004. safnplata frá maus á árinu við höfum ákveðið að senda frá okkur safnplötu síðar á árinu. við eigum 10 ára útgáfuafmæli í sumar og því tilvalið að gera upp ferilinn á tímamótunum. platan verður tvöföld og verður seinni diskurinn stútfullur af óútgefnu efni. þar má nefna tónleikaupptökur, óútgefin lög og endurgerðir annara listamanna á þekktum maus lögum. við munum að sjálfsögðu kynna þetta allt saman miklu betur síðar. meðal þeirra listamanna sem koma að endurvinnslu á maus lögum eru drengirnir í delphi. þeir eru hvað þekktastir fyrir tónlistina hjá atvinnukrimmanum móra. þeir tóku lagið "replacing my bones" af plötunni "musick" og gerðu að sínu með afar góðum árangri að okkar mati. lagið heitir nú "a liquid substance" og er væntanlegt í spilun á útvarpsstöðvum eftir mánuð eða svo. við erum að vinna að myndbandi við lagið í augnablikinu. meira um þetta síðar... 15. apríl 2004. maus spila ekki á grandrokk laugardagskvöldið 17. apríl við viljum koma því á framfæri að við erum ekki að spila á grandrokk laugardagskvöldið 17. apríl eins og auglýst er m.a. á grandrokk.is. einhver leiðinda miskilningur virðist hafa átt sér stað. búið var að óska eftir þáttöku okkur á umræddum tónleikum sem við tókum vel í enda frábærar hljómsveitir að spila á kvöldinu en tímasetningin henntaði okkur ekki og því þurftum við að afþakka boðið. engu að síður erum við auglýstir á tónleikunum og þykir okkur það miður, sérstaklega í ljósi þess að þetta er ekki í fyrsta skipti sem þetta gerist og auðvitað kemur þetta verst út fyrir okkur á endanum. fólk ætti samt endilega að mæta á þessa tónleika því lokbrá og jan mayen eru stórgóðar hljómsveitir. við erum hinsvegar að spila á tveimur tónleikum á föstudaginn eins og sést hér að neðan. 6. apríl 2004. tvennir tónleikar föstudagskvöldið 16. apríl
2. mars 2004. biggi af fingrum fram á föstudagskvöld biggi er gestur jóns ólafssonar í þeim frábæra þætti "af fingrum fram" föstudagskvöldið 5. mars. þátturinn ætti að verða spennandi fyrir áhugamenn um hljómsveitina maus þar sem m.a. verður sýnt myndbrot úr gömlum og mjög svo sjaldséðum myndböndum okkar.
Af fingrum fram, föstudaginn 5. mars, kl. 21.45 Birgir Örn Steinarsson, söngvari, gítarleikari og textahöfundur í hljómsveitinni Maus, er gestur Jóns Ólafssonar í þættinum Af fingrum fram í kvöld. Birgir hefur ásamt félögum sínum í Maus gefið út fimm plötur á undanförnum árum og hefur þeim verið vel tekið, enda vandað og fínt rokk á ferðinni. Í þættinum spjallar Jón við Birgi um heima og geima, bregður upp myndum frá ferli hans og tekur með honum lagið. Dagskrárgerð er í höndum Jóns Egils Bergþórssonar. Þátturinn er textaður á síðu 888 í Textavarpi og er endursýndur síðdegis á sunnudögum. 2. mars 2004. maus verða í vestmannaeyjum um helgina við spilum á tvennum tónleikum fyrir eyjaskeggja í vestmannaeyjum laugardaginn 6. mars. fyrri tónleikarnir eru fyrir alla aldurshópa en 18 ára aldurstakmark er á þá síðari. tónleikarnir verða báðir á prófastinum. við bendum væntanlegum tónleikagestum á að við verðum með diska og boli til sölu á staðnum. 1. mars 2004. týndar fréttir það týndust einhverjar fréttir milli 18. desember þar til í dag. sorrý stína. |
||||||||||||||||||||||||||||
